Idealismo - Glosario de filosofía
Si una palabra no aparece en el listado de términos mostrado es que no se encuentra definida en el glosario.
- Idealismo
- Termo usado inicialmente no século XVII por algúns filósofos para referirse á filosofía de Platón, no sentido en que afirma que a verdadeira realidade constitúena as Ideas, e non as cousas materiais. Con outro significado utilízao Kant, para referirse á súa propia filosofía, á que denomina Idealismo transcendental. Neste sentido, o idealismo consiste na afirmación de que o Espazo e o Tempo non teñen existencia independentemente da subxectividade humana (da que son formas puras a priori da sensibilidade).
O termo, non obstante, quedou asociado sobre todo á filosofía de Hegel quen, ao postular a unidade especulativa dos opostos (finito/infinito, obxecto/suxeito) como estrutura dialéctica do Absoluto, nega realidade independente ao finito, ao obxecto, que, estando destinado a devir outro, non pode gozar de existencia autónoma como tal, o que supón aceptar a súa idealidade, en canto mero momento no desenvolvemento do Absoluto.